„Við tryggjum ekki öryggi landsmanna með tilliti til björgunarþjónustu með því að byggja tómar slökkvistöðvar og kaupa sjúkrabíla án þess að gera ráð fyrir að á þeim starfi sérþjálfað starfsfólk.’’ Þetta skrifar hópur lækna í skoðanagrein sem birt var á Vísi í dag. Greinin ber heitið: ,,Öryggi kostar – Alvarleg vanáætlun á mönnunarþörf í skýrslu um framtíðarþróun þjónustu Landspítala’’.
Læknarnir segja að niðurstöður úr nýrri skýrslu Heilbrigðisráðuneytisins sýni mikið vanmat á áskorunum sem framundan sé á Landspítalanum. Auk þess sýni skýrslan vanmat á mönnun innan spítalans en ráðgjafarfyrirtækið Mckinsey vann skýrsluna.
Kemur fram að hlutfall nýttra rúma á Landspítala árið 2019 hafi verið 97%. Þá sé ekki talið æskilegt að nýtingin fari yfir 85%, að meðaltali. Gerist það, sé öryggi sjúklinga ógnað. Læknarnir segja álag á mörgum deildum umfram öryggismörkin og ekki sé hægt að manna fleiri rými með mannskap sé starfi nú þegar á spítalanum.
„Ljóst er að stórkostlegt átak í mönnun þarf tafarlaust til að tryggja að Landspítali geti sinnt núverandi hlutverki sínu samhliða uppbyggingu sjúkrahúss til framtíðar,“ segja læknarnir en greinina má lesa í heild sinni hér.