Leikarinn Jóhannes Haukur hjólar í Ölmu leigufélag: „Þetta er lítið dulbúin hótun – Fokkið ykkur!“

Stórleikarinn Jóhannes Haukur Jóhannesson hjólar af fullum krafti í leigufélagið Ölmu.

Hann ritar nokkrar færslur á Twitter-síðu sinni.

Kveikjan að skrifunum var aðsend grein í Fréttablaðinu frá Gunnari Þóri Gísla­syni, sem er for­maður stjórnar Ölmu leigu­fé­lags; skrifaði hann að græðgi hafi ekkert með hækkanir á leigu­verði að gera.

Jóhannes Haukur tekur ekkert mark á orðum Gunnars og segir að í greininni finnist svokölluð „rauð flögg“ (e. red flags) – „Það eru svo mörg red flags í þessu orðagljáfri. Það er ekki beðist afsökunar á 30% hækkun heldur á því hvernig þessari konu var tilkynnt um hana,“ ritar Jóhannes Haukur og bætir við:

„Eins og það skipti einhverju helvítis máli. Höggið er alltaf þessi 30% hækkun. Innpökkuð í bómull eða ekki.“

Heldur áfram:

„Fyrsta draftið af þessari tilkynningu hefur sennilega verið: „Fokkið ykkur!“

Jóhannes Haukur er mögulega á þeirri skoðun að grein Gunnars sé möguleg hótun:

„Og hvað er „Eðlileg framlegð af rekstrinum“ Það kemur ekki fram er það? ER ÞAÐ!?!?! Nei. Auka sveigjanleika þeirra sem vilja fara annað.“ VILJA!!? Heldurðu að fólk sé að VELJA það að eiga í viðskiptum við ykkur??!!! Þetta er bara lítið dulbúin hótun.“ segir Jóhannes Hann endar síðan færslur sínar á þessum orðum: „Þið fyrirgefið. Mér er bara misboðið.“