Maður stunginn með skrúfjárni í miðbænum – Var að stöðva slagsmál

Maður var stunginn með eggvopni fyrir utan skemmtistað í miðbæ Reykjavíkur aðfararnótt laugardags. Enginn hefur enn verið handtekinn.

Mannlíf hefur eftir lögreglu að málið sé í rannsókn en að ennginn hafi enn verið handtekinn.

Maðurinn var fluttur á slysadeild og á batavegi. Samkvæmt heimildum Mannlífs var maðurinn að stöðva slagsmál tveggja manna og var þá stunginn sex sinnum í bakið með skrúfjárni. Var hann hætt kominn en eins og áður segir er nú á batavegi.

Vitni eru beðin um að hafa samband við lögregluna.