Lögreglan handtók í gærkvöldi karlmann í annarlegu ástandi en hafði hann farið niður í kjallara hótels í miðbænum. Maðurinn var látinn gista í fangaklefa sökum ástands. Síðar um nóttina barst lögreglu tilkynning um innbrot í miðbænum. Þjófar höfðu farið inn og stolið sjóðsvélum en engar frekar upplýsingar komu fram í dagbók lögreglu.
Nú undir morgun var brotist inn í hraðbanka í Hlíðunum. Þrír voru handteknir og settir bak við lás og slá fyrir rannsókn málsins. Ökuníðingur sinnti ekki merkjagjöf lögreglu á Kringlumýrarbraut skömmu eftir miðnætti. Maðurinn, sem ók á 164. kílómetra hraða var kominn í Garðabæ þegar hann loksins stöðvaði bifreiðina. Er hann grunaður um akstur undir áhrifum fíkniefna, ítrekaðan akstur án gildra ökuréttinda og skjalafals. Bíllinn var með röng skráningarnúmer og þykir líklegt að hún sé stolin.