Mariia Alekhina og Lucy Shtein, liðsmenn gjörninga-og aðgerðarhópsins Pussy Riot, eru meðal þeirra átján sem allsherjar-og menntamálanefnd vill að fái íslenskan ríkisborgararétt, en þetta kom fram á RÚV.
Kemur fram að á listanum eru alls fimm frá Rússlandi. Ansi miklar líkur eru á því að veitingin verði samþykkt, en slíkar tillögur eru næstum án undantekninga samþykktar á Alþingi.
Á listanum er að finna Mariiu Alekhina og Lucy Schtein, sem eru liðskonur gjörningahópsins og baráttuhópsins Pussy Riot.
„Ég áttaði mig á því að ég gæti ekki verið lengur í Rússlandi,“ sagði Shtein í samtali við breska blaðið Guardian. Hún klæddi sig upp sem sendill og náði að komast til Litháens. Rússnesk yfirvöld höfðu gert henni að vera með ökklaband og bönnuðu henni að yfirgefa íbúð sína nema á ákveðnum tímum dagsins. Myndlist „Hættið að fjármagna hryðjuverkamenn“ Bryndís Haraldsdóttir, formaður allsherjar-og menntamálanefndar, segir einhug hafa verið meðal nefndarmanna að veita liðskonum Pussy Riot íslenskan ríkisborgararétt. Vel sé hægt að líta á þá ákvörðun sem pólitíska yfirlýsingu enda hafi sveitin mótmælt innrás Rússa í Úkraínu harðlega. „Það hefur verið vilji hjá íslenskum stjórnvöldum að gagnrýna framgöngu Rússa.“