• Orðrómur

„Sjálfstæðisflokkurinn greiðir ekki atkvæði með frjálslyndi nema til að auðvelda undanskot“

Efnisorð

Deila

- Auglýsing -

Magnús Geir Guðmundsson er mjög reyndur og góður blaðamaður sem tjáir sig um kæru ÁTVR gegn Arnari Sigurðssyni og fyrirtækjum honum tengdum á samfélagsmiðli.

Magnús segir:

„Það er fullkomlega eðlilegt að ÁTVR bregðist svona við, þótt ýmsir D-liðar hafi til dæmis verið að draga það í efa;  fordæmið er til dæmis með Ísavia er kærði ríkið á sínum tíma. Það sem þó hefur ekki síst vakið athygli nú og lítt er fjallað um, er að sá sami Arnar Sigurðsson sem er á bakvið þetta að margra mati augljósa lögbrot, er nú frambjóðandi á lista Sjálfstæðisflokksins í Reykjavík suður, í sæti 19. þar trónir efst sjálf dómsmálaráðfreyjan knáa, Áslaug Arna einmitt, sem lítt er vitað ef þá nokkuð, hafi brugðist við né hafi formaður flokksins gert það heldur svo vitað sé,“ segir Magnús og bætir við: „Allir þekkja hver stefna flokksins hefur verið í áfengissölumálum; nánast verið hans eina „Stóra hjartans mál“ til áratuga að afnema einkasöluna og reynt flest til, en meinta lögbrotsmenn á lista hafa menn væntanlega ekki oft boðið upp á?“

- Auglýsing -

Þorvaldur Sverrisson svarar orðum Magnúsar og segir að „frjálsræði í sölu áfengis er ekki stefna Sjálfstæðisflokksins. Þvert á móti.“

Magnús er ekki lengi til svars og veltir því fyrir sér hvort það sé ekki „spurning um að láta þá sjálfa vita af því, félagi Þorvaldur?!“

Þorvaldur er á verði og segir: „Þeir vita þetta mætavel. Ungir sjálfstæðismenn fá að spangóla um frelsi í áfengissölu til að drepa öðrum málum á dreif, en flokkurinn greiðir ekki atkvæði með frjálslyndi nema í mjög afmörkuðum málum og oftast til að auðvelda undanskot af ýmsu tagi.“

- Auglýsing -

Þá segir Magnús að „ef ætti að selja áfengi í sjoppum með meiru, þá er það ekki dæmi um frjálslynt hugarfar, heldur heimskulegt og það er löngulöngu búið að sýna fram á það.

Skiptir þá engu hvort sem litið er til markaðsforsenda eða lýðheilsusjónarmiða.“

Á nýjan leik Þorvaldur: „Þetta er ekki efnisleg umræða um áfengismál, heldur um stefnu Sjálfstæðisflokksins. Hún er bann- og haftastefna. En hitt er auðvitað tóm della, eins og sést best á því að það eru eiginlega alveg furðuleg tengsl milli frjálslyndis og áfengisvandamála. Ef tekið er mið af þeim löndum sem leyfa áfengi yfir höfuð er áberandi að þau ríki sem setja þrengstar skorður uppskera meiri vandamál ef eitthvað er.“

- Auglýsing -

Magnús lýkur máli sínu á þessu svari til Þorvaldar:

„Þorvaldur minn, ég er nú höfundur þessarar færslu svo það er alveg óþarfi að segja mér eða skikka um hvað hún fjallar um,“ og bætir við að „ef ég kysi að fara út í dýpri efnisumræður – eins og þú gerir nú sjálfur, ekki síst í restina hér að ofan – þá væri það hægur leikur, ég hef skrifað bæði og tekið þátt í að skoða kosti og galla þess að einkavæða áfengissölu í yfir tuttugu ár.“

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Mest lesið í vikunni

- Auglýsing -