Sigurður Þ. Ragnarsson, eða Siggi Stormur, eins og hann er kallaður greindi frá því á jóladag að sonur hans, Árni Þórður, lægi þungt haldinn á gjörgæsludeild Landspítalans og berðist fyrir lífi sínu. Árna er haldið sofandi í öndunarvél, en um er að ræða alvarlega líffærabilun.
Lesa einnig: Árni Þórður, sonur Sigga Storms, berst fyrir lífi sínu: „Staðan er alvarleg hjá Árna Þórði“
Í gærkvöldi greindi Siggi frá því á Facebook síðu sinni að staðan væri enn óbreytt, Árni væri enn í lífshættu.
„En þúsund þakkir fyrir afar vongóða og hlýja strauma, uppörvandi póstsendingar sem gefa manni alveg ótrúlegan styrk og von,“ skrifar Siggi. „Ég á greinilega alveg ómetanlega vini hér á FB. Það er ómetanlegt þegar vinir gefa svona af sér eins og hundruðir hafa gert.“