- Auglýsing -
Sprengjuhótun barst í Menntaskólann í Hamrahlíð í morgun. RÚV greinir frá þessu. Nú er mögulegrar sprengju leitað og kennsla hefur verið felld niður fram að hádegi.
Lögreglan hefur gefið út tilkynningu vegna málsins. Hana má lesa í heild sinni hér fyrir neðan:
Sprengjuhótun barst á netfang Menntaskólans við Hamrahlíð í nótt og því fellur skólahald þar niður framan af degi. Um leið og lögreglu var tilkynnt um málið brást hún þegar við og gripið var til viðeigandi ráðstafana, sem miðuðu að því að leita af sér allan grun. Aðgerðum á vettvangi er lokið og hafa skólastjórnendur verið upplýstir um það, en þeir taka ákvörðun um skólahald í dag. Lögreglan telur sig vita hver stendur að baki hótuninni, en sá er staddur erlendis og hefur áður haft í hótunum með þessum hætti. Ekki er hægt að veita frekari upplýsingar um málið að svo stöddu.