Vorboðinn í Ármúlanum, Tryggvi, reyndi að komast inn í kvenfataverslunina Voxen í Ármúlanum í morgun en varð ekki kápan úr því klæðinu. Mannlíf fjallaði í vikunni um Tryggva sem hefur verið fastagestur í Ármúlanum í yfir þrjátíu ár.
Er fyrstu blaðamenn Mannlífs tóku að tínast til vinnu snemma í morgun, blasti við þeim furðuleg sjón. Tjaldurinn Tryggvi, sem átt hefur óðal í Ármúlanum í yfir 30 ár, stóð við útidyr kvenfataverslunarinnar Voxen og gerði sig líklegan til að koma sér inn og kíkja á vortískuna. Er blaðamaður Mannlífs greip símann sinn til að smella ljósmynd af Tryggva, var eins og fuglinn skammaðist sín, enda var verslunin lokuð. Flúði hann því af vettvangi.
Hér má sjá Tryggva læðast á brott.
Ljósmynd: Kolbeinn Þorsteinsson
Hér má sjá Tryggva um hádegisbilið í dag. Blaðamaður Mannlífs fór á stúfana og keypti korn sem bíður hans nú á gluggasillunni.