Brúnkur gera helgina betri

Deila

- Auglýsing -

Dísætt bakkelsi sem slær í gegn og gott er að narta í – á öllum tímum sólarhrings.

Bananabrúnkur með súkkulaðibitum
260 g hveiti
200 g púðursykur
110 g kakó
1 tsk. lyftiduft
½ tsk. salt
1 tsk. vanillusykur
3 bananar, vel þroskaðir
¾ dl mjólk
50 g smjör, bráðið
2 egg
200 g súkkulaðidropar

Hitið ofninn í 180°C. Hrærið hveiti, púðursykur, kakó, lyftiduft, salt og vanillusykur saman í skál. Stappið bananana vel og setjið í aðra skál. Hrærið mjólk, brætt smjör og egg saman við bananana. Hrærið bananablönduna saman við þurrefnin og bætið súkkulaðidropunum saman við.

Smyrjið litla ofnskúffu vel og klæðið að innan með bökunarpappír. Jafnið deiginu í ofnskúffuna og bakið í 25-30 mínútur. Kælið kökuna alveg áður en hún er skorin í bita.

Umsjón / Sólveig Jónsdóttir
Stílisti / Hanna Ingibjörg Arnarsdóttir
Mynd / Kristinn Magnússon

- Advertisement -

Athugasemdir