Meiri tíma þarf til að gera við Boeing 737 Max vélar

Uppfærsla á hugbúnaði vélanna ekki tilbúin á áætluðum tíma.

Meiri tíma þarf til að klára hugbúnaðaruppfærslu fyrir Boeing 737 Max vélarnar en áætlað var, að því er fram kemur í frétt á Bloomberg.

Eins og kunnugt er kyrrsetti Boeing allar slíkar vélar þann 13. mars vegna galla í hugbúnaði þeirra, sem er talinn vera orsök tveggja mannskæðra flugslysa, annars vegar í Eþíópíu og hins vegar í Indónesíu.

Í síðustu viku hugðist Boeing skila inn lokaskýrslum um uppfærsluna til loftferðayfirvalda í Bandaríkjunum, en nú telur félagið að umrædd uppfærsla verði ekki reiðubúin fyrr en á komandi vikum.

Óljóst er hvaða áhrif þetta mun hafa á Icelandair sem er með þrjár Boeing 737 Max flugvélar í sínum flugflota og á von á sex vélum af sömu gerð í flotann fyrir sumarið.

Ekki missa af þessum

Annað áhugavert efni

Nýjast á Mannlíf.is