Viltu taka þátt í Mannlífinu? - Mannlíf

Viltu taka þátt í Mannlífinu?

Mannlíf leitar að öflugum blaðamanni til að taka þátt í mótun og frekari uppbyggingu vikublaðs sem kemur frítt inn á 80.000 heimili í hverri viku.

Mannlíf hefur á skömmum tíma skipað sér í hóp mest lesnu helgarblaða landsins, með vönduðum viðtölum, greinaskrifum og fréttaskýringum. Í nýlegri könnun mældist blaðið með 23,5% lestur sem sýnir að lesendur kunna að meta þessa nýlegu viðbót við íslenska fjölmiðlaflóru.

Blaðamaður Mannlífs verður hluti af öflugu ritstjórnarteymi Birtíngs og í lykilhlutverki við áframhaldandi uppbyggingu blaðsins. Viðkomandi þarf að hafa frumkvæði og vera sjálfstæður í sínu starfi, vera með góða þekkingu á samfélagsmiðlum og viðtæka reynslu af blaðamennsku. Vandvirkni, geta til að vinna undir tímapressu og góð samskiptahæfni eru einnig mikilvægir eiginleikar.

Við tökum líka við umsóknum frá lausapennum sem hafa brennandi áhuga á Mannlífinu.

Endilega hafðu samband ef þig langar til að bætast í hópinn.

Umsóknir og ferilskrá sendist á framkvæmdastjóra Birtíngs, Sigríði Dagnýju Sigurbjörnsdóttur,sigridur@birtingur.is

Umsóknarfrestur er til 24. ágúst.

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift