Poppstjarnan síunga, Britney Spears á von á barni með unnusta sínum. Tilkynnti hún heiminum fréttirnar á Instagram í dag.
Britney Spears, sem á fyrir börnin Sean Preston, 16 ára og Jayden James, 15 ára með barnsföður sínum, Kevin Federline, segir í tilkynningunni að hún hafi tekið eftir þyngdaraukningu eftir nýlegt ferðalag til Maui, með hinum unga unnusta, hinum 28 ára Sam Asghari. „Þannig að ég tók óléttupróf og uhhh… jæja, ég á von á barni.“
Segist hin fertuga poppstjarna ennfremur í tilkynningunni, ekki muni fara mikið út á næstunni, til að forðast papparassa (e.paparazzi) með myndavélar á lofti.
„Það vex! Ef það eru tvö börn inni í mér þá mun ég sennilega tapa mér,“ segir hin hressa Spears einnig í færslunni. Segir hún hafa þjáðst af meðgönguþunglyndi í fyrri skiptum sínum en í þetta sinn er hún staðráðin í að fá það ekki. „Í þetta skipti mun ég stunda jóga á hverjum degi!“