- Auglýsing -
Söngvakeppni evrópskra sjónvarpsstöðva verður haldin í Bretlandi á næsta ári.
BBC var rétt í þessu að tilkynna að Söngvakeppni evrópskra sjónvarpsstöðva verði haldin í Bretlandi á næsta ári en Bretar lentu í öðru sæti í keppninni í ár. Skipuleggjendur keppninnar ákváðu að keppnin yrði ekki haldin í heimalandi sigurvegaranna, Úkraínu enda geisar þar stríð um þessar mundir.
Ekki er enn vitað í hvaða borg keppnin verður haldin en borgir á borð við Glasgow í Skotlandi og Manchester í Englandi hafa lýst yfir áhuga sínum.