Stefán Pálsson fær það óþvegið hjá fylgjendum sínum á Twitter þó það sé allt í gríni.
Hinn bráðsnjalli og fyndni Stefán Pálsson skrifaði eftirfarandi færslu á Twitter í gær:
„Keypti flugmiða í morgun. Ekki á netinu eins og krakkarnir heldur hjá þjónustufulltrúa á söluskrifstofu. Þetta var svo nostalgísk tilfinning að mig langaði til að reykja inni.“
Fjöldi athugasemda voru skrifuð við færsluna þar sem fólk kepptist við að gera grín að ellitöktum Stefáns. Lesturinn er hin mesta skemmtun.
Svavar nokkur tók af skarið: „Hvernig borgaðirðu? Var kortið straujað? Ekki gleyma að koma við í bankanum til að kaupa ferðatékka!“
Henrý skrifaði einnig athugasemd: „Ertu búinn að sækja um gjaldeyri?“
Þá var Hrannar nokkur frekar frumlegur í sínu skoti: „Poloroids, or it didn’t happen.“
„Fékkstu pappírs eintak? Ef ekki þá telst þetta ekki með!“ spurði Hörður og hlaut nokkur „læk“ fyrir.
Brynjólfur nokkur hélt að Stefán hefði verið að dreyma: „Gerðist þetta áður en þú vaknaðir?“
Birna skaut laust en lúmskt: „Passaðu vel upp á ferðatékkana, áttu ekki gott innanklæðaveski?“
Lokahöggið átti svo Dr. Þór: „Þú hlýtur að hafa skálið í bjórlíki á eftir.“