- Auglýsing -
Á veraldarvefnum ber ýmiss að grasa og má þar gjarnan gera kostakaup og spara sér þó nokkurn skildinginn. Vinsældir bland.is og Facebookhópa eins og brask og brall eru gríðarlegar. Stöku sinnum stinga þó einhverjar auglýsingarnar í stúf og geta vart annað gert en fengið lesandann til að brosa út í annað ef ekki bæði.
Blaðamaður fékk senda ábendingu um forlátar flísar til sölu og af myndinni að dæma virtust þær vera fjórar talsins og í minni kantinum. Auglýsingin bar yfirskriftina „Kúl flísar“ og birtist á bland.is. Lýsingartextinn er kjarnaður og einfaldlega bara: „Kúl“
Rekur lesandann þó í rogastans þegar skoðað er verðið en það eru litlar 10 milljónir.
Ekki er vitað úr hverju þær eru gerðar, en ætla þá að það sé úr einhverju dýru.
