2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Dressin sem vöktu athygli á árinu

Nú þegar styttist áramótin er gaman að líta um öxl og rifja upp nokkur eftirtektaverð dress sem sáust á rauða dreglinum á árinu sem er að líða.

 

Jennifer Lopez minnti á diskókúlu í hönnun Toms Ford á Óskarsverðlaunahátíðinni í febrúar.

Söngkonan Lizzo klæddist áberandi kjól frá Valentino á American Music Awards í nóvember. Handtaskan hennar vakti þó meiri athygli en kjóllinn en um agnarsmáa Garavani Vsling-tösku frá Valentino var að ræða.

Leikarinn Jared Leto klæddist Gucci á Met Gala í sumar. Punkturinn yfir i-ið var vaxmynd af hans eigin höfði sem hann bar á rauða dreglinum.

AUGLÝSING


Rihanna klæddist eigin hönnun á Fashion Awards fyrr í desember og fékk mikið hrós fyrir.

Katy Perry á eitt óvenjulegasta dress ársins. Ljósakrónukjóllinn frá Moschino vakti athygli á Met Gala í maí.

Rapparinn Cardi B vakti lukku þegar hún klæddist Mugler á Grammy-hátíðinni snemma árs.

Leikkonan Zoë Kravitz klæddist toppi frá Tiffany & Co. og pilsi frá Saint Laurent í eftirpartíi á Óskarsverðlaunahátíðinni. Dressið vakti mikla athygli.

Lady Gaga var prinsessuleg í stærðarinnar kjól frá Valentino á Golden Globe-hátíðinni í janúar. Hárið var svo litað fölblátt, alveg í stíl við kjólinn.

Kim Kardashian mætti í óvenjulegum latex-kjól frá Mugler á Met Gala. Eftir hátíðina lýsti hún því hversu gríðarlega erfitt var að komast í kjólinn og til að bæta gráu ofan á svart þá gat hún ekki setið í honum.

Tónlistamaðurinn Harry Styles er óhræddur við að fara nýjar leiðir þegar kemur að klæðaburði. Það sýndi hann og sannaði þegar hann klæddist óvenjulegu Gucci-dressi á Met Gala.

Myndir / EPA

Lestu meira

Annað áhugavert efni

Nýjast á Mannlíf.is

Nýjast á Gestgjafanum