Svandís Svavarsdóttir matvælaráðherra er í sannkallaðri úlfakreppu vegna vanhugsaðs banns á hvalveiðar sem rennur út í dag að óbreyttu. Innan Sjálfstæðisflokksins eru nokkrir þingmenn ævareiðir og vilja helst setja Svandísi af.
Lýður Árnason, læknir og lýðræðissinni, segist í Facebook-færslu vera viss um að ákvörðun Svandísar muni valda „fjaðrafoki á hvorn veginn sem hún verður“. Hann spáir áframhaldandi banni og að Bjarni Benediktsson, formaður Sjálfstæðisflokksins, muni tryggja að sínir menn haldi stillingu. Lýður metur órólegu þingmennina í Sjáfstæðisflokknum sem léttvæga og segir framhald bannsins styrkja ríkisstjórnina til lengri tíma litið. Ef Svandís leyfi hvalveiðar gæti hins vegar allt gerst. Sú niðurstaða myndi þýða uppgjöf gagnvart stuðningsmönnum ráðherrans og veikja hann og flokk hennar pólitískt. Í dag er úrslitadagur í málinu. Beðið er eftir Svandísi sem er tvístígandi. Klukkan tifar …