Símamál Páls Steingrímssonar skipstjóra Samherja á sér ótal anga. Lögreglan á Akureyri er í rólegheitum að rannsaka málið sem snýst um meint banatilræði við Pál og hinsvegar þjófnað á farsíma hans þegar hann lá milli heims og helju á sjúkarhúsi.
Vefmiðillinn Vísir fjallaði um þetta mál í gær. Þar var meðal annars viðtal við Þóru Arnórsdóttur, fyrrverandi ritstjóra Kveiks og núverandi talsmann Landsvirkjunar. Þóra hefur tvívegis verið kölluð til yfirheyrslu vegna málsins, þótt Ríkisútvarpið hafi ekki birt fyrstu fréttir upp úr síma Páls.
Í hlaðvarpi Frosta Logasonar kom Páll skipstjóri fram með alvarlegar ávirðingar um aðkomu Þóru og þar með Ríkisútvarpsins að þessu máli. Þóra hefur ekki viljað svara fjölmiðlum neinu efnislega um þær ásakanir sem eru uppi á hendur henni og segist ekki vilji ekki fara á það plan að svara einstökum atriðum svo sem því að hún keypti í nafni Ríkisútvarpsins síma, sömu gerðar og sími Páls er. Þá munar aðeins einum staf á umræddu símanúmeri og númeri Páls. Símakaupin átti sér stað með vitund Stefáns Eiríkssonar útvarpsstjóra, sem á heiður sinn og starf undir því að málið endi með sýknu Ríkisútvarpsins.
Þóra sagði aðspurð við Vísi að hún hefði ekki hlustað á viðtalið við Pál skipstjóra og reiknar með að málið á hendur henni hverfi. „Ég bíð eftir niðurfellingu og afsökunarbeiðni. Það er svona um það bil mín afstaða í þessu,“ svaraði hún. Einhverjum kann að þykja þetta merkileg svör frá Þóru sem hefur stöðugt krafist skýrra svara annarra skuli velja þögn um mál sem snýr að henni sjálfri …