Courteney Cox hámhorfir á Friends í einangruninni

Efnisorð

Deila

- Auglýsing -

Leikkonan Courteney Cox, sem eins og allir vita lék hina ráðríku og hreinlætisóðu Monicu Geller í Friends-þáttunum vinsælu, er nú í einangrun heima hjá sér vegna kórónaveirufaraldursins og segist hafa ákveðið að stytta sér stundir í einangruninni með því að horfa á allar tíu þáttaraðirnar af hinum geysivinsælu Friends-þáttum og þeir séu bara ansi góðir.

 

„Fólk elskar þessa þætti svo mikið að ég ákvað að hámhorfa á Friends. Þetta eru mjög góðir þættir!“ sagði hún í myndbandsspjalli við þáttastjórnandann Jimmy Kimmel í spjalli hans á YouTube í innskotunum Quarantine Minilogue, sem hann byrjaði að senda út eftir að upptökum á þætti hans var hætt í bili vegna kórónuveirufaraldursins.

Courteney sagðist muna afskaplega lítið eftir þáttunum sem hún lék í í tíu ár. „Ég man ekki einu sinni eftir að hafa verið í þessum þáttum. Ég hef svo slæmt minni,“ sagði hún og bætti síðan við: „Ég man auðvitað eftir því að ég elskaði alla sem voru þarna og að við skemmtum okkur vel. Ég man eftir tímabilum í lífi mínu á meðan ég var að vinna við þættina en ég man ekkert eftir einstökum þáttum.“

Sem er kannski ekki undarlegt þar sem gerðir voru 236 þættir í hinni gríðarlega vinsælu þáttaröð sem nýlega gekk í endurnýjun lífdaga á Netflix.

Courtney sagðist hafa keypt allar tíu þáttaraðirnar á Amazon Prime og það geti komið sér vel að hafa horft á þá því vegna þess hvað minni hennar sé slæmt verði hún alltaf mjög stressuð þegar hún þurfi að svara einhverjum spurningum um þættina. Ekki virðist það þó hafa skilað miklum árangri því eins og sjá má í meðfylgjandi myndbandi svaraði hún ekki einni einustu spurningu rétt af fimm spurningum Friends-aðdáanda sem Kimmel lét spyrja hana út úr.

Sérstakur endurfundaþáttur allra sex vinanna úr Friends var fyrirhugaður á HBO- sjónvarpsstöðinni í maí en hefur nú verið frestað um óákveðinn tíma vegna faraldursins.

 

 

- Auglýsing -

Athugasemdir

Lestu meira

Nína ekki ólétt

Nína Richter ljósmyndari og rithöfundur og fyrrum kvikmyndagagnrýnandi á RÚV leiðréttir fjölda hamingjuóska í færslu sinni á...

Tvíburar Hörpu Kára og Guðmundar nefndir

Harpa Káradóttir,  förðunarfræðingur og eigandi förðunarskólans Make-Up Studio,og Guðmundur Böðvar Guðjónsson, eru búin að gefa tvíburasonum sínum...

Zlatan með COVID-19

Sænski knattspyrnumaðurinn Zlatan Ibrahimovic leikmaður AC Milan hefur greinst með COVID-19, en félagið greinir frá í tilkynningu...