Hundur tók að sér villikött – Tíkin varð gerviólétt og mjólkar fyrir kettlinginn

Heimilishundurinn Jet tók að sér villikettling og gefur honum mjólk, en sá hefur fengið nafnið Litli.
Íslensk fjölskylda búsett í Skotlandi fékk símtal frá vinafólki sínu á dögunum en höfðu þau fundið villikettling sem þau töldu vera um 3-4 vikna gamlan.
„Ég er með soft spot fyrir dýrum í neyð og ók í flýti og sótti litla,“ skrifar Inga á Facebook hópnum Jet og Litli.
Þegar heim var komið með kettlinginn tók Jet honum betur en nokkrum hefði grunað.
„Hún varð gerviólétt, og núna er hún með fulla mjólkurframleiðslu en Litli fær líka kettlingamjólk í sprautu“. Skrifar Inga
Jet er 8 ára og hefur aldrei eignast hvolpa. Nú mjólkar hún fyrir villikettling, þrífur hann og tekur miklu ástfóstri við.
Fyrir áhugasama er hægt að fylgjast með þeim „mæðginum“ á Facebook hópnum hér að ofan en þar má meðal annars finna skemmtileg myndbönd af þessu sérstaka sambandi.