Ráð er gert fyrir því að úrkoma á Austurlandi nái hámarki í dag og samkvæmt tilkynningu frá lögreglunni á Austurlandi eru af þeim sökum allar varúðarráðstafanir enn til staðar vegna snjóflóðahættu.
Í tilkynningunni kemur einnig fram að verið sé að skoða mögulega opnun milli Neskaupsstaðar og Eskifjarðar um Fannardal sem og frá Reyðarfirði yfir á Egilsstaði um Fagradal. Vegkaflarnir eru báðir lokaðir sem stendur.
Þá eru íbúar beðnir um að huga að niðurföllum vegna vatnsagna, í ljósi þess að möguleiki er á úrkomu í formi rigningar.
Fundar lögreglan er með Veðurstofu og Almannavörnum klukkan ellefu í dag þar sem staðan verður metin. Íbúar eru beðnir um að huga vel að tilkynningum í fjölmiðlum, á vef Almannavarna, Veðurstofu og Vegagerðar sem og á Fésbókarsíðum lögreglu og sveitarfélaga.