Þyrla Landhelgisgæslunnar neyddist til að lenda á bílastæði

Þyrlusveit Landhelgisgæslunnar hefur séð um sex sjúkraflug frá Vestmannaeyjum það sem af er árinu. Á dögunum ákvað áhöfn Gæslunnar að lenda á bílastæði.

Kallað var eftir þyrlusveit Landhelgisgæslunnar á dögunum til að annast sjúkraflug frá Vestmannaeyjum. Vegna þoku reyndist áhöfninni ekki kleift að lenda á flugvellinum en dó hún ekki ráðalaus heldur lenti á bílastæði á Hamrinum.

Ljósmyndirnar við fréttina voru teknar af Tryggva Má Sæmundssyni, ritstjóra Eyjar.net en fleiri frábærar myndir má sjá hér.