Á Seyðisfirði var stærsti farmur loðnuvertíðarinnar til þessa landað á föstudag er Vilhelrm Þorsteinsson kom með heil 3331 tonn í land.
„Verksmiðjan gengur eins vel og kostur er. Við höfum fengið glimrandi gott hráefni allan tímann,“ segir Eggert Ólafur Einarsson, verksmiðjustjóri Síldarvinnslunnar á Seyðisfirð í samtali við Austurfrétt.
Þá kom Polar Ammassak einnig til Seyðisfjarðar í gær, með 2008 tonn. Á morgun er svo von á Berki þangað með um 3000 tonn. „Þeir hafa verið fljótir að fá í og þess vegna er hráefnið sem kemur að landi gott,“ bætir Eggert við.
Senn líkur loðnuvertíðinni og því líklegt að skipin séu nú í sinni síðustu veiðiferð. Fiskurinn hrygnir að lokum og deyr en samkvæmt yfirliti Loðnufrétta er búið að veiða 76 prósent af útgefnum kvóta.
Fram kemur í frétt Austurfréttar að veiðiskipin keppist því við það þessa dagana, að ná því sem hægt er að ná. Hafa þau verið við Snæfellsnes undanfarna daga en í morgun voru skipin Víkingur, Heimaey, Suðurey og Vilhelm Þorsteinsson á veiðum undir Snæfellsjökli en Jóna Eðvalds og Venus voru á leiðinni.