• Orðrómur

Boris biður fólk að hegða sér almennilega þegar enskir pöbbar opna á morgun

Efnisorð

Deila

- Auglýsing -

Boris Johnson, forsætisráðherra Bretlands, biðlaði á blaðamannafundi í dag til Englendinga að hegða sér almennilega þegar barir og pöbbar á Englandi opna aftur eftir rúmlega þriggja mánaða lokun í fyrramálið. Sagði forsætisráðherrann að hann myndi ekki hika við að beita staðbundnu útgöngubanni ef smitum fjölgaði á ákveðnum stöðum í kjölfar opnunarinnar.

Johnson minnti fólk á að hættan af kórónaveirufaraldrinum væri ekki yfirstaðin og það væri undir hegðun þess komið hvort hægt yrði að tilkynna um opnanir í fleiri geirum atvinnulífsins í næstu viku eða hvort aftur þyrfti að herða reglurnar.

Leyfið til að opna pöbba og bari á ný hefur vakið blendin viðbrögð á Englandi, sérstaklega að gera það á laugardegi sem hefur af gagnrýnendum verið kallað heimska. Rekstraraðilar pöbbanna virðast heldur ekki allir jafn hrifnir af breytingunni á reglunum og í könnun sem gerð var meðal 15.000 kráareiganda á Englandi kom í ljós að aðeins fjörutíu og tvö prósent þeirra hyggjast opna á morgun. Lögreglan hefur sömuleiðis sínar efasemdir um ágæti ákvörðunar Johnson og tilkynnt hefur verið að lögreglumönnum á vakt verði víðast hvar fjölgað til að stemma stigu við ólátum. Starfsfólk slysavarðstofa og bráðamóttaka hefur jafnframt verið varað við og því sagt að vera viðbúið „gamlárskvöldsástandi“ á laugardagskvöldið. Það er því mikil spenna í loftinu og ljóst að fólk er við öllu búið á morgun.

- Auglýsing -

 

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -