- Auglýsing -
Vélstjórinn Anna Kristjáns, hefur verið búsett á Tenerife síðustu ár og opnar sig í dag í færslu á facebook um missinn og frægðina í Svíþjóð.
„Í dag er ástæða til að minnast. Hrafnhildur og Tárhildur Doppudætur fæddust á þessum degi fyrir 17 árum síðan, en voru svæfðar á Dýraspítalanum þann 31. júlí 2019. Hrafnhildur var orðin þreytt á lífinu, en tilraun mín til að finna nýtt heimili fyrir Tárhildi mistókst er hún lagðist í þunglyndi á nýja heimilinu og því fylgdust þær að inn í kisusumarlandið skömmu áður en ég flutti suður á bóginn.
Ég sakna þeirra enn í dag og stundum naga ég mig í handarbökin að hafa ekki tekið þær með mér til Tenerife, en miðað við aldur þeirra hefði verið skammvinn gleði af þeim í Paradís. Því varð þetta besta leiðin fyrir alla aðila.
Um leið á Charlotte vinkona mín afmæli, en hún á sökina af því að gera mig fræga meðal sænsku þjóðarinnar um miðjan tíunda áratug síðustu aldar. Yndisleg manneskja.
Í dag mun ég fara með hana Mjallhvíti mína í dekurmeðferð, þrif að utan sem innan, ný olía og allar nýjar síur og kannski eitt og annað lagfært. Hún á það víst skilið sem sárabætur eftir að nágrannakona mín skildi hana eftir er hún og dóttirin skruppu til Santa Cruz á dögunum.“