Skotárás í Úlfarsárdal vakti börn.
Mikill ótti greip um sig í morgun í Úlfarsárdal en þá vökuðu margir við skothvell í Hverfinu. Þá sendi lögregla frá sér tilkynningu á fjölmiðla um alvarlega árás í hverfinu. Í tölvupósti sem skólastjórnendur í Úlfarsárdal sendu foreldrum kemur fram að sum börn hafi orðið mjög hrædd og séu í uppnámi.
„Elsku starfsfólk. Í morgun varð skotárás í einni af blokkinni í hverfinu. Mörg börn vöknuðu upp við skothvelli, sáu sjúkrabíla, löggubíla og blóð á vettvangi,“ sagði í tölvupóstinum.
„Börnin eru mörg hver í uppnámi og ræða þennan atburð sín á milli. Nokkur hafa talað um að sá sem var skotinn væri dáinn. Við þurfum að hlúa vel að börnunum og ef barn er mjög óttaslegið hafið þá samband heim og látið vita.“
Samkvæmt Vísi mátti sjá blóðför inn í og fyrir utan fjölbýlishúsið þar sem hleypt var af byssu og að einn hafi verið fluttur í burtu í sjúkrabíl.