- Auglýsing -
COVID-19 faraldurinn hefur haft mikil áhrif hér á landi í atvinnulífinu og gengið nærri fjölmörgum atvinnugreinum. Hverjum viðburðinum á fætur öðrum er ýmist aflýst eða frestað, jafnvel til haustsins, og á það við um stærri sem smærri viðburði.
Skemmtikraftar, sem oft eru einyrkjar og síns eigins herra, ættu með öllu að vera með fullbókaðar helgar á þessum tíma, en standa allt í einu frammi fyrir því að vera í fríi og það um óákveðinn tíma.
FÍH, Félag íslenskra hljómlistarmanna, bendir á félagsmönnum sínum sem eru verktakar á að kanna rétt sinn til atvinnuleysisbóta. Tiltekin eru skilyrði sem félagsmenn þurfa að uppfylla til að eiga rétt á atvinnuleysisbótum og félagsmenn hvattir til að kynna sér sinn rétt hjá Vinnumálastofnun.