Elísabet Ormslev segir að henni hafi ekki borist formleg afsökunarbeiðni frá Pétri Erni Guðmundssyni, og tístir að hún fagni allri sjálfsvinnu en að hún leggi ekki opinberar yfirlýsingar að jöfnu við persónlega afsökunarbeiðni. Elísabet Ormslev ritar:
„Að gefnu tilefni: Ég hef ekki fengið neina afsökunarbeiðni. Ég fagna allri sjálfsvinnu og vilja til betrumbætingar en ég legg ekki opinberar yfirlýsingar að jöfnu við persónulega afsökunarbeiðni.“
Fjölmiðlar fjölluðu á dögunum um Fésbókarfærslu frá Pétri þar sem hann segist harma að hafa sært Elísabetu og það hafi aldrei verið ásetningur hans í þau ellefu ár sem þau áttu í samskiptum.
Í febrúar í fyrra opnaði Elísabet sig um samband þeirra Péturs sem hófst þegar hún var 16 ára og hann, meira en helmingi eldri, 38 ára. Hún sagði samband þeirra hafa einkennst af ofbeldi og umsátri og að Pétur væri enn að sitja um hana. Í kjölfarið var Pétri vísað úr hljómsveitunum Buff og Dúndurfréttir.
Að gefnu tilefni:
Ég hef ekki fengið neina afsökunarbeiðni. Ég fagna allri sjálfsvinnu og vilja til betrumbætingar en ég legg ekki opinberar yfirlýsingar að jöfnu við persónulega afsökunarbeiðni.
— Elísabet Ormslev (@elisabet0rmslev) April 21, 2023
Sjá nánar:
Pétur Örn segir samband sitt við „unga manneskju“ hafa verið dómgreindarleysi: „Ég sé eftir þessu“