Þriðjudagur 25. janúar, 2022
2.8 C
Reykjavik

Ísdottningin Ásdís Rán var á forsíðu Playboy – Lifði af háskalegt bílslys

Helgarviðtalið

- Auglýsing -

Orðrómur

- Auglýsing -

Í baksýnisspeglinum að þessu sinni er engin önnur en Ísdrottning sjálf, Ásdís Rán Gunnarsdóttir.

Ásdís fæddist þann 12. ágúst 1979 á Egilsstöðum þar sem hún bjó um nokkurt skeið en fluttist síðar á Höfn. Hún er þjóðþekkt fyrirsæta en uni hún sér vel í sveitinni sem barn, var samviskusöm í námi og stundaði íþróttir af kappi. Þá átti hún til að skella sér á berbak á hrossum en hestamennskan varð að víkja fyrir áhuga hennar á fyrirsætustörfum er hún var fjórtán ára gömul.
Ásdís lenti í alvarlegu bílslysi þegar hún var fjórtán ára gömul. Hún hafði hlaupið yfir götu þegar bíll keyrði á hana og var hún enn að glíma við bakmeiðsli í kjölfar slyssins árið 2009.
Flutti hún til Reykjavíkur á unglingsárunum þar sem hún bjó í Breiðholti. Klæðaburður Ásdísar var eftirtektarverður en gekk hún í pels og mætti í vettvangsferð skólans í pinnahælum. Fimmtán ára gömul kynntist hún fyrrum barnsföður sínum. Þau eignuðust saman son þegar Ásdís var sautján ára gömul. Ásdís hafði þá hafið feril sinn sem fyrirsæta en var það Björn Blöndal ljósmyndari sem kom auga á Ásdísi og sá strax hve efnileg fyrirsæta hún var.

Sat Ásdís fyrir í hinum ýmsu tímaritum en árið 2001 barst henni tilboð frá Playboy. Ásdís hugsaði sig um en átti henni eftir að berast fleiri tilboð frá tímaritinu fræga seinna meir.
Þegar Ásdís var tvítug stofnaði hún módelskrifstofu sem bar heitið model.is og nokkrum árum síðar kynntist hún Garðari Bergmann Gunnlaugssyni, fótboltamanni og fyrrum herra Ísland. Giftu þau sig árið 2006 og var athöfnin hin glæsilegasta.
Árið 2008 fluttust hjónin til Búlgaríu þar sem Ásdís vakti strax mikla athygli. Síðar sama ár höfðu útsendarar Playboy samband við hana á ný og buðu henni í prufumyndatöku fyrir Playmate sem hún hafnaði. Ísdrottningin sat fyrir í hinum ýmsu blöðum meðan hún bjó erlendis, meðal annars Maxim. Þá gerði hún loks samning við Playboy og sat fyrir á forsíðu tímaritsins í Búlgaríu árið 2010. Sagðist Ásdís eitt sinn í viðtali ávallt íhuga öll verkefni sem standa henni til boða vel. Hún legði áherslu á að efnið sé ekki druslulegt heldur sé yfir því klassi. Hefur Ásdís rekið nærfataverslun í Búlgaríu, komið fram í sjónvarpsþáttum og gefið út bók.

Ásdís Rán og Garðar skildu árið 2012 en bjó Ásdís í Búlgaríu til ársins 2016 en flutti hún þá heim til Íslands um skamma hríð. Ásdís Rán lætur drauma sína rætast. Hún ákvað að læra á þyrlu áður en hún flutti heim. Nú hefur hún réttindi á þrjár tegundir af þyrlum, bæði æfingavélar og farþegavélar.

Ferðinni var svo aftur heitið til Búlgaríu sem hún kallar „heima“. Þá sagði hún á dögunum að möguleiki væri á því að hún myndi flytja aftur til Íslands þar sem dóttir hennar vill fara í skóla. Ásdís er í dag einkaþjálfari og verður spennandi að sjá hvað Ísdrottningin tekur sér næst fyrir hendur.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -