Guðni Th. sendir körfuboltabúðum Vestra bréf:  „Við missum ekki móðinn“

Deila

- Auglýsing -

Guðni Th. Jóhannesson forseti íslands sendir körfuboltabúðum Vestra góðar kveðjur í bréfi  til þeirra. Í bréfinu stappar Guðni Th. stálinu í mótshaldara og hrósar þeim fyrir þá ábyrgu ákvörðun að hafa aflýst mótinu í ljósi aðstæðna. Að lokum segir hann að von sé á honum á næsta ári.

Fyrir helgina var tekin sú ákvörðun að aflýsa körfuknattleiksbúðum Vestra, sem áttu að fara fram dagana 6.-11. ágúst á Ísafirði, vegna nýrra tilskipana almannavarna vegna COVID-19 kórónuveirufaraldursins. Á hverju ári mæta fjölmargir þjálfarar og leikmenn af öllu landinu til æfinga í búðunum. Guðni Th. virðist hafa verið á leiðinni vestur miðað við bréfið.

„Ég veit líka um nokkra drengi hér á Álftanesinu sem þykir afar leitt að missa af þessu frábæra tækifæri til að æfa körfubolta undir leiðsögn frábærra þjálfara í frábærri umgjörð,“ segir Guðni Th.

„En við missum ekki móðinn! Ég hlakka til að fara með þessum strákum í búðirnar næsta sumar.“

- Advertisement -

Athugasemdir