Jarðhræringar halda áfram: „Líklegra en ekki að þetta endi með gosi“

Fólk getur búist við eld­gosi sam­kvæmt Þórhalli Ragn­ars­syni, jarð­fræð­ingi, sem Mannlíf ræddi við. 

Mikil jarð­skjálfta­hrina hefur gengið yfir í dag eins og Íslend­ingar á suð­vest­ur­horni hafa fengið að kynn­ast og hafa fleiri en 1.700 mælst síðan í gær. Stærsti jarð­skjálft­inn sem mælst hefur hingað til var 4,8 á stærð og hefur alþjóð­legum lita­kóða fyrir milli­landa­flug verið breytt í app­el­sínugulan.

„Þessir jarð­skjálftar síð­ustu daga tengj­ast kviku­hreif­ingum og eru að mæl­ast á frekar grunnu dýpi.“ segir Þór­hallur um ástæður jarð­skjálft­anna. Þegar Þór­hallur var spurður um fram­haldið og við hverju fólk mætti búast við sagði hann: „Ég býst við að skjálfta­hrinan haldi áfram næstu daga/vikur á meðan kvikan er að reyna að troða sig í gegn um jarð­skorpuna.“

Þórhalli þykir atburð­ar­rás­rásin benda til þess að gos sé í vændum. „Það er alltaf erfitt að segja til um hvort það sé að hefj­ast gos. En miðað við að atburð­ar­rás fyrri gosa á þessu svæði, árin 2021 og 2022, er keim­lík  því sem er að ger­ast núna, þá er lík­legra en ekki að þetta endi með gosi.“ segir Þór­hallur.