Þriðjudagur 19. mars, 2024
1.8 C
Reykjavik

Lögreglan rannsakar Gylfa áfram til 16. janúar

VefTv

- Auglýsing -

Hlaðvörp

- Auglýsing -

Rannsókn á meintu kynferðisbroti Gylfa Þórs Sigurðssonar, leikmanni Everton og íslenska karlalandsliðsins í fótbolta, hefur verið framlengd til 16. janúar. RÚV segir frá þessu í dag.

Gylfi verður því áfram laus gegn tryggingu fram til þeirrar dagsetningar. Hann hafði áður verið laus gegn tryggingu til 16. október og var talið hugsanlegt að þá kæmi í ljós hvort málið endaði með ákæru eða væri látið falla niður. Svo varð ekki og biðin hefur verið lengd, eins og áður sagði.

Gylfi var handtekinn í júlí í Manchester í Englandi, grunaður um kynferðisbrot gegn barni.

Að vera laus gegn tryggingu merkir að eftir að viðkomandi er handtekinn og vistaður í fangageymslum, er hægt að greiða út tryggingu að ákveðinni upphæð. Sé það gert er viðkomandi laus og þarf ekki að sitja í fangelsi út rannsóknartímann.

Frelsið er þó takmörkunum háð; sá handtekni sem sætir lögreglurannsókn má til að mynda ekki yfirgefa land og þarf að hafa aðsetur á fyrirfram ákveðnum stað. Sömuleiðis þarf viðkomandi að vera til taks hvenær sem er og lögregla þarf ávallt að geta náð í hann.

Þetta á því að öllu óbreyttu við um Gylfa Þór fram til 16. janúar.

- Auglýsing -

Eins og kunnugt er hefur Gylfi ekki verið valinn í íslenska landsliðshópinn frá því að málið kom upp. Hann var ekki heldur hluti af 25 manna hópi Everton og mun því ekki spila með liðinu á næstunni. Everton getur næst uppfært leikmannahópinn í janúar þegar félagsskiptaglugginn opnast.

Hugsanlegt er að einhver hreyfing verði komin á mál Gylfa þá. Everton gaf frá sér yfirlýsingu í sumar þess efnis að leikmaður félagsins hefði verið sendur í leyfi vegna lögreglurannsóknar, en stjórn félagsins hefur þess utan ekki tjáð sig um málið.

Hingað til hafa engar formlegar upplýsingar fengist um það hvers eðlis brotið er sem Gylfi var handtekinn fyrir, aðrar en þær að um sé að ræða kynferðisbrot gegn ólögráða einstaklingi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -