Stjörnunuddarinn svokallaði, Jóhannes Tryggvi Sveinbjörnsson hefur kært eina af þeim konum sem kærðu hann fyrir kynferðisbrot.
Jóhannes Tryggvi Sveinbjörnsson var í fyrra dæmdur í fimm ára fangelsi fyrir fjórar nauðganir á nuddstofu hans Postura. Áfrýjaði hann dómnum en Landsréttur þyngdi dóminn um eitt ár. Jóhannes hóf svo afplánun sína í gær.
Sjá einnig: Jóhannes fékk fimm ára dóm fyrir nauðganir: Býður nuddþjónusu sína í Svíþjóð
Samkvæmt áreiðanlegum heimildum Mannlífs lagði Jóhannes fram kæru fyrir nokkrum mánuðum á hendur einni af þeim fjórum konum sem hann var dæmdur fyrir að nauðga, fyrir rangar sakagiftir. Hann segir konuna hafa sagt ósatt um atburðarásina. Hún hafi sóst eftir þeirri meðferð sem hún fékk og mælt með honum við aðrar konur. Ekkert hafi gerst í meðferðinni nema það sem hún bað um.