Sveinn Andri Sveinsson hæstaréttarlögmaður telur borðleggjandi að þremenningarnir sem hlutu þungan dóm í Landsrétti í dag í Rauðagerðismálinu, að þau fái áfrýjunarleyfi.
Þau Claudia Sofia Coelho Carvahlo, Murat Selivrada og Shpetim Qerimi höfðu öll verið sýknuð í héraðsdómi fyrir grunaða aðild að morðinu á Armando Beqirai. Var sýknunni snúið við í Landsdómi í dag og þau dæmd í 14 ára fangelsi. Þá var dóminum yfir Angjelin Sterkaj þyngdur úr 16 ár í 20 ár fyrir morðið á Beqirai.
Mannlíf leitaði álits hæstaréttalögmannsins Sveins Andra Sveinssonar á dóminum og hvort hann teldi líklegt að hin dæmdu myndu áfrýja.
„Án þess að ég geti mælt fyrir hönd dómfelldu tel ég næsta víst að öll sæki þau um áfrýjunarleyfi til Hæstaréttar. Geri þau það er borðliggjandi að áfrýjunarleyfi verður veitt,“ svaraði Sveinn Andri og tali upp þrjár ástæður: „Fyrir því eru 3 ástæður. 1. Þungir dómar. 2. Viðsnúningur úr sýknu í sakfellingu. 3. Í málinu reynir á mikilvæga reglu refsiréttarins um samverknað. Hæstiréttur þarf að eiga þar lokaorðið.“