Gunnar Smári Egilsson líkir uppákomu Miðflokksmanna á Klausturbar við menningarbyltingu, sem snúist um mannfyrirlitningu og yfirgang hinna valdameiri á hinum jaðarsettu og valdaminni.
„Talandi um menningarbyltingar, þá er Black Lives Matter ólíkt geðfelldari menningarbylting en sú sem Sigmundur Davíð stóð fyrir á Klausturbarnum. Sú fyrri snýst um mannvirðingu og viðurkenningu á mannhelgi hinna kúguðu og smáðu. Sú síðari snerist um mannfyrirlitningu og yfirgang hinna valdameiri á hinum jaðarsettu og valdaminni,“ segir Gunnar Smári Egilsson, í nýjustu færslu sinni á Facebook.
Tilefni skrifa Gunnars Smára er heilsíðupistill Sigmundar Davíðs Gunnlaugssonar formanns Miðfokksins í Morgunblaðinu á laugardag, en þar fjallar Sigmundur Davíð um skaðleg áhrif pólitísks rétttrúnaðar og lýsir, að því er virðist, efasemdum sínum um réttindabaráttu svarts fólks í Bandaríkjunum. Að hans mati virðist Barátta Black Lives Matter hreyfingin bera öll einkenni kínversku menningarbyltingar Mao Zedong.
„Og auðvitað geta þeir sem tóku þátt í menningargagnbyltingunni á Klausturbar illa sætt sig við menningarbætur Black Lives Matter,“ skrifar Gunnar Smári. „Ég hefði getað sagt ykkur það án þess að taka undir það heilsíðu í Mogganum.“