2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Vilt þú láta George Clooney leikstýra þér?

Nú stendur yfir leit að fólki sem hefur áhuga á að fara með hlutverk í kvikmynd sem George Clooney leikstýrir. „Leitum að fólki fyrir tökur á Netflix mynd leikstýrð af George Clooney-tekin í nágrenni Hafnar í Hornafirði,“ segir í færslu á Facebook-síðu umboðsskrifstofunnar Eskimo Casting.

 

Eskomi Casting leitar að fólki á breiðu aldursbili til að leika aukahlutverk í kvikmynd fyrir streymisveituna Netflix sem stórleikarinn George Clooney leikstýrir.

„Við viljum sérstaklega heyra frá fjölskyldum með börn/unglinga á aldrinum 7-17 ára, sem hafa áhuga á að taka þátt saman. Ekki er verra ef amma og/eða afi fylgja með líka,“ segir í færslunni. Þá er tekið fram að reyndir leikarar sem og fólk með enga reynslu í leiklist geti sótt um. Tökudagar eru frá 20. október til 7. nóvember í nágrenni Hafnar í Hornafirði.

Áhugasamir eru þá beðnir um að senda Eskimo Casting tölvupóst með nýlegri mynd og upplýsingum. Sjá færsluna hér fyrir neðan.

AUGLÝSING


Leitum að fólki fyrir tökur á kvikmynd leikstýrð af George Clooney-tekin í nágrenni Hafnar í Hornafirði!Við leitum að…

Posted by Eskimo Casting on Þriðjudagur, 3. september 2019

Sjá einnig: George Clooney til Íslands

Ekki missa af þessum

Annað áhugavert efni

Nýjast á Mannlíf.is