2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Kaka ársins 2020 er eftir Sigurð Alfreð Ingvarsson

Útnefningu köku ársins er gjarnan beðið með mikilli eftirvæntingu en að þessu sinni var kakan hans Sigurðar Alfreðs Ingvarssonar fyrir valinu en þemað í ár var Nóa tromp. Þórdís Kolbrún Reykfjörð Gylfadóttir iðnaðarráðherra tók á móti fyrstu kökunni við hátíðlega stund í atvinnuvegaráðuneytinu.

 

Það er Landssamband bakarameistara sem árlega heldur utan um keppnina um köku ársins sem að þessu sinni var haldin í samstarfi við Nóa Siríus og eina krafan sem gerð var um kökuna var að hún innihéldi Nóa tromp.

Dómarar í keppninni voru Berglind Guðmundsdóttir, eigandi matarbloggsins Gulur, rauður, grænn og salt, Auðjón Guðmundsson, framkvæmdastjóri sölu- og markaðssviðs Nóa Síríus, og Berglind Guðjónsdóttir hjá Samtökum iðnaðarins, og eftir að hafa metið bragðkosti, útlit og hversu líkleg kakan væri til að falla öðrum í geð varð kakan hans Sigurðar Alfreðs fyrir valinu. Sigurður er bakari í bakaríinu Hjá Jóa Fel. 

Kaka ársins 2020 afhent. Þórdís Kolbrún Reykfjörð Gylfadóttir iðnaðarráðherra fær köku ársins afhenta úr hendi Sigurðar Alfreðs Ingvarssonar bakara og höfundar kökunnar. Frá vinstri: Sigurður Hannesson framkvæmdastjóri SI, Sigurður Alfreð, Þórdís Kolbrún, Jóhannes Felixson formaður Landssambands bakarameistara og Auðjón Guðmundsson framkvæmdastjóri sölu- og markaðssviðs Nóa Siríus.

AUGLÝSING


Í dag tók Þórdís Kolbrún Reykfjörð Gylfadóttir iðnaðarráðherra á móti fyrstu kökunni við hátíðlega stund í atvinnuvegaráðuneytinu við Skúlagötu 4. En kakan ársins 2020 er nú til sölu í bakaríum félagsmanna Landssambands bakarameistara um allt land og verður til sölu það sem eftir er ársins.

Þórdís Kolbrún sker fyrstu sneiðinu undir vökulum augum viðstaddra.

Ekki annað að sjá en Þórdís Kolbrún sé ánægð með kökuna.

Starfsfólk ráðuneytisins fékk að sjálfsögðu líka að smakka.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum