2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Jafnrétti og kynjahlutföll leiðarljós alþjóðlegrar stuttmyndahátíðar

Alþjóðlega stuttmyndahátíðin Northern Wave er haldin í tólfta sinn nú um helgina, 25. – 27. október, í Frystiklefanum á Rifi, Snæfellsbæ.

 

Hátíðin býður upp á fjölbreytt úrval alþjóðlegra stuttmynda, hreyfimynda, vidjóverka og íslenskra tónlistarmyndbanda auk annarra viðburða, til að mynda fiskiréttasamkeppni, fyrirlestra, vinnustofur og tónleika svo dæmi séu nefnd.

Dagskrána má finna í heild sinni hér.

Jafnrétti og kynjahlutföll hafa verið eitt af leiðarljósum hátíðarinnar frá upphafi. Það er mikilvægt fyrir ungar konur og kvikmyndagerðarkonur að eiga fyrirmyndir og geta speglað sig í kvikmyndum. Hátíðin hefur lagt mikla áherslu á að vekja athygli á þessu með ólíkum leiðum. Síðustu þrjú ár hafa konur verið gegnt meirihluta í dómnefndhátíðarinnar og verið heiðursgestir hátíðarinnar en auk þess hafa verið haldnar pallborðsumræður á vegum Wift um stöðu kvenna í kvikmyndagerð.

AUGLÝSING


Hátíðin hefur bæði tekið up F-Rating kerfið og skrifaði nýverið undir 5050by2020 samkomulagið á Carl International Film Festival, ásamt þremur öðrum norrænum kvikmyndahátíðum. Fjallað var um undirskriftina í Screen Daily.

Kvikmyndatökumaðurinn Bergsteinn Björgúlfsson er heiðursgestur hátíðarinnar í ár en hann er einn af okkar fremstu kvikmyndatökumönnum og tók meðal annars Hross í Oss, Kona fer í stríð og Ófærð. Okkur finnst mikilvægt að varpa ljósi á störf fólksins sem starfar á bakvið tjöldin og það verður fróðlegt að hlusta á „Besta“ eins og hann er kallaður en hann verður með meistarspjall stýrt af Steinunni Ólínu Þorvarðardóttur leikkonu sem er með honum í dómnefnd hátíðarinnar.

Vinnustofur af ýmsu tagi, yfirleitt í samstarfi við Wift á Íslandi og Wift Nordic eru nú orðnar af árlegum hluta dagskrár Northern Wave. Stór vinnusmiðja, Norrænar Stelpur Skjóta, fyrir ungar konur í kvikmyndagerð á Norðurlöndum var haldin fyrr í vikunni í Grundarfirði í tengslum við hátíðina. Vinnusmiðjan var í  samstarfi við samstarfsaðila á Grænlandi, í Færeyjum, Noregi og Svíþjóð og Stelpur Skjóta á Íslandi. Vinnusmiðjan er samstarfsverkefni hátíðarinnar við Stelpur Skjóta,Wift og Wift Nordic og er fullfjármögnuð meðal annars af Norbuk og Kvikmyndasjóði Íslands. Sjá valda þátttakendur og vinnustofuna hér.

Ekki missa af þessum

Annað áhugavert efni

Nýjast á Mannlíf.is