2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Úlfar Örn sýnir verk sem hann vann í Aþenu

Á laugardaginn mun myndlistarmaðurinn Úlfar Örn  opna sýninguna Rætur í Gallery Grásteini á Skólavörðustíg 4. Þar sýnir hann fígúratíf verk sem unnin eru á árinu 2019, málverk og silkiprent.

 

Í vor dvaldi Úlfar á vinnustofu í Aþenu, Kypseli Print Studio, hjá myndlistarkonunni Eleanor Lines og vann þar silkiprent af verkum sínum sem hann sýnir nú.

Úlfar Örn lærði grafíska hönnun og í MHÍ í Reykjavík og myndskreytingar í Konstfack í Stokkhólmi. Hann hefur unnið við hönnun, auglýsingagerð og myndskreytingar í mörg ár en samhliða alltaf unnið að list sinni.

Hann er þekktur fyrir áhugaverða nálgun sína í olíumálverkum af íslenska hestinum þar sem augað er í forgrunni og verk hans prýða bæði opinberar byggingar og mörg einkasöfn. Úlfar hefur haldið fjölmargar einkasýningar á Íslandi og tekið þátt í samsýningum erlendis.

AUGLÝSING


Sýningin Rætur opnar klukkan 14:00 á laugardaginn, 2. nóvember, og stendur yfir til 13. nóvember. Gallery Grásteinn er opið alla daga vikunnar frá kl. 10-18 nema til kl. 17 á sunnudögum.

Mynd / Aðsend

Ekki missa af þessum

Annað áhugavert efni

Nýjast á Mannlíf.is