Þórdís Lóa Þórhallsdóttir, forseti borgarstjórnar, er komin í þriggja mánaða veikindaleyfi frá störfum. Ástæðan er sú að hún fór í liðskipti eftir áralanga þjáningu og fékk nýtt hné úr plasti og stáli. Þórdís Lóa þakkar Willum Þór Þórssyni heilbrigðisráðherra að hún komst í aðgerðina eftir langa bið. „Í gær fór ég í liðskiptaaðgerð sem ég hef beðið lengi eftir, þökk sé átaki heilbrigðisráðherra,“ skrifar hún á Facebook og vísar til þess að ráðherrann samdi við einkaaðila til að stytta ógnarlanga biðlista.
Þórdís Lóa þykir vera skeleggur stjórnmálamaður og hafa sýnt leiðtogahæfileika í Reykjavík á erfiðum tímum þegar borgin glímir við skuldavanda. Hún verður í veikindafrí til 30. nóvember en snýr til baka stálslegin ef allt gengur að óskum. Pawel Bartoszek, borgarfulltrúi Viðreisnar, tekur við skyldum hennar á meðan …