Mikil átök hafa verið að tjaldabaki hjá Samtökum atvinnulífsins um arftaka Halldórs Benjamíns Þorbergssonar framkvæmdastjóra sem sprakk á limminu eftir heiftúðug átök við Sólveigu Önnu Jónsdóttur, formann Eflingar.
Fullyrt er að sjávaútvegurinn og Sjálfstæðisflokkurinn hafi viljað fá Heiðrúnu Lind Marteinsdóttur, framkvæmdastjóra Samtaka í sjávarútvegi, í starfið en enginn vilji hafi verið til þess hjá öðrum öflum innan hreyfingarinnar. Þá mun flokkurinn hafa boðið fram lögmanninn og þingmanninn Sigurð Kára Kristjánsson sem fékk ekki heldur hljómgrunn. Hann þykir vera harður og ósvífinn nagli og líklegur til þess að ala á sundurlyndi miilli lanþega og atvinnurekenda. Morgunblaðið reyndi af veikum mætti að stimpla Hönnu Birnu Kristjánsdóttur, fyrrverandi dómsmálaráðherra, inn í slaginn en áhuginn á henni var við alkul.
Niðurstaðan varð ósigur Sjálfstæðisflokksins þegar lægsti samnefnarinn, Sigríður Margrét Oddsdóttir, var valin. Hún þykir vera hófsöm í framgöngu og líkleg til að geta sætt sjónarmið á vinnumarkaði. Víst þykir að allur annar bragur verði á starfi hennar en því sem gerðist undir átakasækinni stjórn Halldórs Benjamíns …