Arnar Þór Viðarsson landsliðsþjálfari valdi í dag 23 manna landsliðshóp og fimm leikmenn til vara fyrir verkefni í næsta mánuði. Miklar breytingar einkenna hópinn núna miðað við síðustu verkefni landsliðsins. Alls voru tíu leikmenn valdir í fyrsta sinn; fjórtán úr hópnum koma úr Bestu deildinni.
Thelma Björk Theodórsdóttir er fyrrum leikmaður Fram og eiginkona Guðmundar Magnússonar, leikmanns Fram.
Hann hlaut ekki náð fyrir augum Arnars Þórs landsliðsþjálfara að þessu sinni; við það er Thelma afar ósátt, en maður hennar er næst markahæsti leikmaður Bestu deildarinnar; hefur skorað sextán mörk í 24 leikjum.
„Hvernig er hægt að líta framhjá næst markahæsta leikmanni efstudeildar í þessu vali? Ætli þeir sem að velji liðið hafi einu sinni hugsað um það að velja leikmann úr FRAM!?“ spyr Thelma og bætir í:
„Umræðan þarf líka að rífa sig í gang. Veit að ég er ekki hlutlaus, en þetta er Mesta bull lífs míns,“ skrifar Thelma á Facebook-síðu sinni.