Í gær hlaut launafulltrúi og bókari í Skálatúni, sem er heimili í Mosfellsbæ fyrir fólk með þroskahömlun, níu mánaða skilorðsbundinn dóm í Héraðsdómi Reykjaness fyrir fjárdrátt.
Kemur fram að maðurinn dró sér um 11,4 milljónir frá í september 2010 til júní 2019.
Maðurinn játaði sök; hafði endurgreitt Skálatúni milljónirnar er dómur var upp kveðinn.
Fjárdráttur mannsins komst upp fyrir um tveimur árum síðan þegar ákveðið var að ráðast í fjárhagslega endurskipulagningu Skálatúns.
Komst málið upp og var maðurinn sendur í leyfi; frumrannsókn var gerð innanhúss til að ná utan um umfang málsins.
Skálatún vistar fjörutíu einstaklinga með þroskahömlun, en heimilið er með þjónustusamning við Mosfellsbæ; þar er líka að finna dagþjónustu eins og vinnustofur, þjálfun sem og afþreyingu fyrir þroskahamlaða.
Í ákærunni yfir manninum er hann sagður hafa dregið sér fjármuni Skálatúns í 53 tilvikum; með millifærslum af bankareikningi þess inn á reikning sinn, samtals 11,4 milljónir króna.