Ferðamaður féll meira en 5 metra
Nú er búið er að staðsetja ferðamanninn er féll á gönguleiðinni við Glym í morgun; eru björgunaraðgerðir í fullum gangi.
Komið er á daginn að um erlendan ferðamann er að ræða.
„Það er verið að vinna í þessu. Það er ljóst að fallið hefur verið meira en fimm metrar,“ segir Ásmundur Kr. Ásmundsson, aðstoðaryfirlögregluþjónn hjá lögreglunni á Vesturlandi í samtali við mbl.is.
Ásmundur segir slysið alvarlegt enda eru fjölmargar björgunarsveitir á svæðinu ásamt lögreglu; einnig er þyrla Landhelgisgæslunnar í viðbragðsstöðu.
Þyrlan sneri aftur til Reykjavíkur eftir að hafa flutt þangað björgunarsveitarmenn; ekki var talin þörf á henni.
Segir Ásmundur aðstæður á vettvangi afar erfiðar.
„Það er ís þarna og þröngt gil eins og svo margir þekkja. Það hafa orðið slys þarna áður.“