Hafnarverkamenn hafna Eflingu: „Þetta er bara rétt að byrja“

Nú er fundað í húsi Þjóðminja­safns­ins; hafn­ar­verka­menn eru þar á ferð.

Vilja þeir athuga og ræða þann möguleika að stétt­in segi sig úr Efl­ingu og stofni nýtt kjarafé­lag; gangi í Alþjóðasam­band flutn­inga­verka­manna þegar kjara­samn­ing­ar eru lausir; þann 1. nóv­em­ber næstkomandi.

Mbl.is segir frá.

Fyrr­um trúnaðarmaður Efl­ing­ar, Aðal­steinn Björns­son, seg­ir stofn­un nýs fé­lags hafa verið í burðarliðnum í nokkr­ar vik­ur og að mik­il óánægja ríkji á meðal hafnarverkamanna með stjórn Efl­ing­ar; tel­ur Aðalsteinn að Efling hafi brotið lög með skip­un full­trúa á ASÍ-þingið; aukinheldur hafi verið mikl­ir sam­skipta­örðug­leik­ar við ákveðna ein­stak­linga í stjórn­inni:

„Þetta er kynn­ing­ar­fund­ur. Við erum að sjá hvernig stemn­ing­in er fyr­ir því að mynda sam­an fé­lag,“ seg­ir Aðal­steinn.

Hann tel­ur lík­legt að þeir sem sæki fund­inn hafi áhuga á slíkum gjörningi; seg­ir þó alveg nauðsyn­legt að greiða úr ýms­um lagaflækj­um áður en það verði að veruleika.

Aðalsteinn nefnir einnig að eng­ar ákv­arðanir hafi verið tekn­ar varðandi hverj­ir muni leiða fé­lagið nýja sem enn hef­ur ekki hlotið nafn:

„Þetta er bara rétt að byrja.“