Benedikt Sveinsson, vill ekkert tjá sig um afsögn sonar síns, Bjarna Benediktsson.
Þegar Mannlíf heyrði í Benedikt Sveinssyni í mars á þessu ári og spurði hann út í þau læti sem þá voru vegna sölu ríkisins á hlut þess í Íslandsbanka en eins og alþjóð veit, var Benedikt, faðir Bjarna Benediktssonar, einn af fjárfestunum sem keyptu hlut í bankanum. Aðspurður hvort hann sæi eftir kaupunum, var Benedikt alls ekki á þeim buxunum: „Af hverju ætti ég að gera það?“ svaraði hann en þegar blaðamaður Mannlífs bendi á öll lætin sem sköpuðust við kaupin, svaraði hann aftur: „Já ég kippi mér bara ekkert upp við þetta. Ég er vanur svona djöflagangi.“
Mannlíf hefur í nokkur skipti reynt að ná í Benedikt eftir að Bjarni Benediktsson neyddist til að segja af sér sem fjármálaráðherra, eftir að umboðsmaður Alþingis komst að þeirri niðurstöðu að Bjarni hefði ekki verið hæfur til að samþykkja söluna, í ljósi venslatengslanna. Í dag svaraði Benedikt símanum en þegar blaðamaður spurði hann hvort væri enn þeirrar skoðunar, í ljósi afsagnar sonar hans, að hann sjái ekkert eftir kaupunum, svaraði hann stuttlega: „Ég ætla ekki að tala um þeta við fjölmiðla neitt.“ Svo mörg voru þau orð.