Stór jarðskjálfti í Grindavík.
Jarðskjálfti sem mældist 4,5 að stærð reið yfir klukkan 8:18 og voru upptök hans nærri Grindavík og þá mældist annar skjálfti 3,9 klukkan 5:30 í morgun. Fannar Jónasson, bæjarstjóri Grindavíkurbæjar, sagði í samtali við Vísi að þó þetta sé ónotalegt þá haldi lífið áfram og gangi sinn vanagang.
„Skjálftarnir sem hafa verið undanfari goss eru ónotalegir og eins undarlega og það kann að hljóma þá hefur það verið ákveðinn léttir þegar hefur byrjað að gjósa og skjálftarnir hætta. Ef kemur til eldgoss þarna við Fagradalsfjall á annað borð þá er það lítið að trufla okkur. Það er helst þessi sýnilegi aukni straumur ferðamanna sem hefur áhrif á mannlífið. En lífið heldur áfram og gengur sinn vanagang. Við þekkjum þetta orðið ágætlega.“
Mikil skjálftavirki var á Reykjanesi í nótt og telja sumir eldgosasérfræðingar að stutt sé í næsta eldgos.