Isaac Kwateng, vallarstjóri Þróttar hefur nú verið rekinn frá Íslandi eftir sex ára dvöl á landinu. Illugi Jökulsson er síður en svo sáttur.
Illugi Jökulsson fjölmiðlamaður skrifar stutta en kaldhæðna færslu á Facebook við frétt af brottflutningi Isaacs, sem er afar vel liðinn af Þrótturum enda verið allt í öllu hjá félaginu síðustu tvö árin. Illugi spyr lesendur hvort þeir séu ekki ánægt með „hvað ríkisstjórn hefur uppálagt sínu fólki að sýna mikla mannúð alltaf og ævinlega?“
Færsluna má lesa hér:
„Eruði ekki ánægð með hvað ríkisstjórnin hefur uppálagt sínu fólki að sýna mikla mannúð alltaf og ævinlega? Og svo var auðvitað alveg gífurlega brýnt að losna við þennan mann úr landinu, ha? Takk ríkisstjórn. Takk Katrín og Bjarni, og þú líka Sigurður Ingi — þú ert nú meiri skörungurinn. Takk þið öll.“