- Auglýsing -
Hafís sást 28 sjómílur norður af Kögri í gærmorgun en ísinn gæti færst nær Íslandi næsta sólarhringinn eða áður en norðausturáttir taka yfir. Þetta kemur fram á ratsjármyndum frá Copernicus Eu en tilkynninguna birti rannsóknareining í eldfjallafræði og náttúruvá við Háskóla Íslands á Facebook-síðu sinni í gær. Á myndinni sjást nokkrir borgarísjakar en breiðan var þétt. Þekkt er að ísbirnir hafi komist til landsins með þessum hætti en ekki liggur fyrir hvort einn slíkur leynist á jakanum.
Færsluna má sjá hér að neðan.